منتديات قلب فلسطين

منتديات قلب فلسطين (https://www.heartps.com/vb/index.php)
-   الأخبار المحلية والعالمية (https://www.heartps.com/vb/forumdisplay.php?f=8)
-   -   أخبار_عالريق (https://www.heartps.com/vb/showthread.php?t=46949)

الامير 05-10-2020 11:04 AM

أخبار_عالريق
 
#أخبار_عالريق 170
✅يكتبها/سعيد الطويل
■فش ولا اصابة كورونا عنا جديدة ،لا بالضفة ولا بغزة والوضع مستتب.
■الناس بطلت لا تتعقم ولا تحط كمامات والصيدليات اللي احتكرت البضاعة شكلها حتخلل الكميات اللي ضبوهم .
■ توفى مبارح بعد صلاة العشا أبو أسامة الكرد عضو مكتب سياسي ل 7ماس ومسؤول العمل الخيري عندهم.
■وزارة الصحة بتحذر بشكل رسمي انه ممكن تيجي موجة كورونا من أول وجديد ع فلسطين ..ديروا بالكم.
■من يوم الثلاث للخميس متوقع انه يوصل 1500مسافر جديد ع غزة جايين من مصر وحيقضوا العيد وبعده بشوية كمان جوا الحجر .
■سلامة معروف بيقول بدنا حد يتبرع ب 17مليون دولار عشان نبني مستشفى خاص بحالات الكورونا،بيكفي ل2000 واحد بنفس الوقت.
■الوكالة كمان طالبة 93 مليون دولار تبرع لتلت تشهر عشان يوفروا خدمات صحية واقتصادية إلنا.
■كل الجاج الموجود بالسوق كبير ،يعني أقل جاجة اتنين كيلو وسعره بعشرة شيكل الكيلو.
■مبارح الشرطة مسكت تلات شباب سكرانين بنص نهار رمضان بالضفة وعينك ما تشوف الا النور معهم.
■المجلس الثوري لفتح بيرفض قرار "اسرائيل"بتجميد حساب الأسر.ى،وبيقول انه هذه حرب ع أقدس القضايا.
■حيفتحوا التسجيل لأولاد المدارس من يوم الثلاث الجاي للخميس بس ،واللي يجيي ولي الأمر أبوه أو أمه من غير الولد ما يجي عشان سلامته.
■الشؤون الاجتماعية بتقول انها حتصرف ال500شيكل هذا الاسبوع،وحتكون أسماء الضفة أكثر من غزة عشانهم تضرروا أكثر،وأي حد استفاد من الشؤون ملوش اسم.

#صباح_الخير للختيار اللي عمصوا عنييه من قراية القرآن بعد كل صلاة ،الله يتقبل منه.
-صباح الخير لكل أبو، بيصلي بأولاده ومرته جماعة صلاة التروايح بالدار.
-صباح الخير لكل أم بتخليش بناتها يعملوا السحور ،رغم انها تعبانة.
-صباح الخير لكل واحد بيتفقد جاره قبل الفطرة وبيشوف وضعه وشو ناقصه.
-صباح الخير لكل خال حنون مع بنات أخته وبيعزهم بزيارته عليهم.
-صباح الخير لكم راجل بيقطعش أرحامه .
-صباح الخير للناس اللي بتحب الخير لغيرها وبتتطلعش للحاجة اللي مش بأيدها.
-صباح الخير خص نص لحبيبنا خالد أشطر شب مخلص علاج طبيعي فيكي ي غزة،اللي ريحنا مبارح.

اليوم الأحد عشرة خمسة سنة الفين وعشرين
وصارلنا برمضان الكريم سبعطعشر يوم .
#صباح_الخيرات 🌹

شغف 05-10-2020 02:24 PM

شكرا لنقل الاخبار
يعطيك العافيه

الصياد 05-10-2020 03:13 PM

يعطيك العافية
لادراجك هالاخبار ..

وتر 05-10-2020 05:35 PM

شكرًا للمتابعة

ريمااس 05-14-2020 01:08 PM


السلام عليكم ورحمة الله وبركاته



يسلموووا ع الخبرية والمتابعة



يعطيك الف عافية



بانتظار جديدك دائما



https://www.post-a-rose.com/prod_cat...boxbgwhite.jpg



تحيتي


الساعة الآن 11:51 PM

Powered by vBulletin™ Version 3.8.7
Copyright © 2025 vBulletin Solutions, Inc. All rights reserved. منتديات
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd.