منتديات قلب فلسطين - أخبار_عالريق 168 ✅يكتبها/سعيد الطويل

#أخبار_عالريق 168
✅يكتبها/سعيد الطويل
■الحمد لله أعلنوا انه في اصابيتن من اللي معهم كورونا بغزة تعافوا وضايل بس ستة بالمعبر معزولين .
■بشكل رسمي أعلنوا انه حيفتحوا المعبر الأسبوع الجاي عشان الناس اللي بدها تروح وفي رابط للتسجيل نشروا ع موقع للداخلية .
■نتنياهو طلع بندوق وقدر يقنع تعون الكنيست انه هو اللي يشكل الحكومة بشكل رسمي
■الريس أبو مازن صرح انه لو "اسرائيل"ضلت متيسة انها تنفذ صفقة القرن وضم الأغوار حيكون النا كلام تاني معها ومع أمريكا.
■حسين الشيخ بستنكر تسكير اليهود لحسابات الأسر.ى بالبنوك الفلسطينية.
■شرطة الاحتلا.ل قتلت فلسطيني من أهل النقب برصاصها والمنطقة استنفرت.
■بالسودان مبارح انقتل مبارح فوق ال50واحد بطوشة قبايل ملهاش كبير .
■عدد اللي ماتوا بكورونا بالعالم صاروا فوق ال265ألف بني آدم والمصابين قربوا من الأربعة مليون واحد.
■في ضغط هاليومين عالجميد بلحمة الحبش بالعزايم.
■الفليفلة بتمنية شيكل الكيلو يعني أغلى من التفاح الأمريكي اللي عليه لزقة مدورة.
■لو بدك تشتري جاجتين اليوم لفطرة الجمعة بدك 40شيكل بالراحة .
■بيقولوا انه العيد أعلنوه فلكيا يوم 24خمسة.
■مضلش مصور شاطر بغزة الا صورلنا قمر 14ونشرلنا اياه .
■هي عدى علينا نص رمضان بدون ما نحس فيه جاي السنة خفيف وسهل الصراحة .
■نازلك كيلو حلقوم تركي الكيلو منه ب140 شيكل ي خال.
■أمريكا بدها تصنع مليار ابرة لقاح ضد كورونا بشهر سبعة اللي جاي .
■في عرس حيعلنوا عنه قريبا اتنين كانوا محجورين وروحوا عبتوتهم اليومين اللي فاتوا.
■الضغط ع مكياجات النسوان وطقوم الفناجين والصواني الجديدة مكسر الدنيا.

#صباح_الخير للطيبين والطيبات والجدعان والجدعات والناس الأصيلة بزيادة ،واللي بتعرفش تحكي الا الكلام الحلو ،للناس اللي لسانها بيحكيش إلا بالخير وبتعرفش تذم بجيرانها ولا بصحابها .
#صباح_الخير للناس الكرما بزيادة ..للراجل الطيب الي قاعد ع قرنة الشارع قبل الفطرة و بيشد بالعزومة عالرايح واللي جاي من الناس المروحة من قدامه.
#صباح_الخير للغلبانين والممرمطين والضاوين والمفلسطين والكحيانين والخريجين والمتعطلين مش العاطلين والي بيمدوش ايدهم لحد ،والقنوعين بالرزق قسمه ربنا الهم.

الله يوسع عليكم وعلينا يارب..
#يسعد_صباحكم #جمعة_مباركة 🌹