24 يوم و رح نغفى من شدة الأمان ..❤
 

السلام عليكم ، :62:

طبعاً هاد الموضوع مني أنا كاتبيته لأن معندي حد أكتبله غير صفحات المنتدى :'(
بس خطر عبالي كلام كتييير بدي أقولو
بتعرفو انا كتير مبسوطة حاسة انو الهم قرب كتيير يروح
لأنه ربنا أحن بكتير علينا من أنه يخلي أدان أول فطرة برمضان واحنا خايفين او حزانى
ودايماً بحس رمضاان بيجي لما نكون ع آخرنا بالدنيا من كل سنة و متخبطين بمليون اتجاه
أحيانا بتحس حالك بدوامة ودوشة وتعب كتييير ،
بيجي رمضان عشان يشدك تاني ل ربنا، رغم انك عارف من الاول انه ربنا هو الحل بس الغريب انك بتجرب مليون حل
قبل الحل الاول..بتحس ربنا بده يرجعنا تاني النا بعد كل شهور التشتت للي مرينا فيها ويريح قلوبنا ويهدي بالنا
لمة أهلك ع الفطرة وكيف بنستنا الأذان ودوشة الأم وهي بتنادي عشان لازم الكل يقعد قبل الأدان ويدعي
بحب ثقة امي وابوي كتيير كيف بيكونو مُصرين انو لازم ندعي وانه للصائم دعوة لا تُرد بحس انه نفسي الزمن يقف عند هاد اللحظة
واضل ادعي ادعي وما اقف..مع اني كتير مرات بكونش عندي جملة وحدة مفيدة اصيغها بدعاء غير انه انت يارب عارف ضعفي وعارف رجائي اقضيلي ياه
صلاة الفجر الأول للي بنصليها جماعة والسحور كيف بنكون نايمين اصلا وبناكل بنفس الوقت
بحب الفوانيس كتييير والضو للي بكون معبي حارتنا وقتها ..اصلا انا عمري ما حبيت العتمة..بحب الضو بحب يلمع بين عيوني كأنها عم تضوي
القرآن للي بنخته مرتين وتلاتة وبنكون مبسوطين كتيير ..بنحسش ابدا بحمل الصفحات والأيات .. بنحس بس انه سهل وبمر بخفة جدا ع قلوبنا ولساننا
كيف بنستنا ليلة العيد كأنها ليلة تحرير البلاد وبنضل نتفرج طول الوقت ع لبسة العيد ..ومع انه كل حدا عنده لبسة بتختلف بس كلنا مقتنعين
انه لبستنا احلا لبسة بالعالم، كل شي بكون مريح ، ما بتحس انك مضطر تجامل الدنيا وتحسسها انك مبسوط لانك فعلا بتكون هيك ، ما في حد بنكسر خاطره بهاد الوقت
وللي ما عنده حد يجبر خاطره معاه ربنا، هيكا بيجي يبسطنا وبس لدرجة بتحس انو بدك تنام من شدة التعب والراحة بنفس الوقت
انا متحمسة اله والله هههههه

المهم ، كُل عام وأنتم بخير em71em71

يا الله على كمية التفاؤل الموجودة بهالفضفضة
تعرفي شغلة .. فعلاً ربنا ببتلي الإنسان ليرجع لإلو
عشان يقربنا منه و نرجع نكثف صلاة و إلحاح بالدعاء
كلماتك جرعات تفاؤل و أمل لكل قارئ
انا سعيدة جداً اني اول القراء
و اني بهالوقت بالذات قرأتهم لأني كنت بحاجة
لشي يرجع الإيمان عندي بإن الفرج قريب

لازم بقسم الحصريات ♡
تقييمي ي قلب ☆

يارب بلغنا رمضان واحنا وجميع عباده
بالف خير
كلام بيعطي شعور بالتفاؤل ان القادم اجمل
يسلم ايدك

بححب الككلامم يلل بيككونن
ككلهه تففاؤؤل ::62:
ممبدعهه تسسننيمم
ككلعامم و نتيي و الككل بخخييرر
وردهه

حبيت اسلوبك وكله ايجابيه
ربي يبلغنا رمضان واحنا بصحه وعافيه
عطيتينا حافز بهالكلام عسى ربي بيفرجها عالعالم ويهدىء الوضع
ويعم السلام والامان

والله وانا نفس احساسك
برمضان رح تتغير كل الاحوال للاحسن
ومتل م هالبلاء عم علينا بلحظه
ربنا قادر يزيله بلحظه
حبيت طرحك لانه متفائل وكله امل
يختم

شكرا الله يسعدكم ❤❤❤

كل الشكر و التقدير