حكي مهم والله❤راق لي❤
 

#حكي_مهم_والله
- وحدة جوزها نسي الموبايل وكانت بتعرف ال password تبعو وفتحتو وقعدت تفتش فيه ، ووصلت لشغلات بشعة عنو و صار مشاكل بسبب هالشي ووصلو للطلاق

- وحدة خطيبها كان عم يورجيها شغلة معينة بالموبايل ، والفضول خلاها تقلب اكتر واكتر وشافت شغلات ما كان لازم تشوفها و تركوا بعض !

- وحدها خطيبها عطاها ال password تبع ال fb واتفقوا ما تفتحو غير لما تقلو ، بس الفضول اخدها وفتحت محادثات بينو و بين رفقاتو الشباب و انصدمت من أسلوبو و تركوا بعض !

- واحد ضل يفتش عن ماضي خطيبتو بالرغم من انها قالتلو كل شي و اتغيرت من قبل ما تقابلو ، بس ضل يدور واكتشف تفاصيل وصلتهم لنهاية حياة جديدة !

الخلاصة : لا تسمح لحالك كإنسان سواء شب او بنت انك ترفع غطاء ربنا حاطو علی عباده ، الله قلك " ولا تتجسسوا " يعني أوعك تترك حالك لفضولك و تفتش ! ..

يمكن ناس كتير ما يعجبها الكلام و تقول انا لازم اتطمن .. لا لا هاد شك و من دون ما نضحك علی بعض .. لو واثق بالشخص يلي معك ما رح تعمل هيك

و لو هو عم يعمل شي غلط استنی انت وحط رجل ع رجل و ربك رح يفرجها و رح يجبلك كل شي لعندك ، الله ما بيتركك طول ما انت ماشي صح و مافي احلی من الصدف ♥️

كثير حالات صارت هيك وكانت نهايتها الانفصال
الله يهونها علي عباده ويفرجها عليهم
شكرا علي طرحك المهم ملاك

صح هالحكى
بالنهاية يلى بيعمل اشي غلط راح ينكشف
اليوم او بكرة او بعدو
ويلى كان ماضيه سيء عفا الله عما سلف
كلنا بشر وبنغلط وفينا شغلات مش حلوة الطرف التانى بيرفضها فينا
بس علشان الحياة تمشي لازم نتغاضي ومانفتش
ربنا عليم بالنوايا مش البشر
حبيت طرحك ملاك
تحياتى

كلام بمحلوا
اللي بيدور ع المخبى دايما بيتعب او بيكتشف شغلاات ما بتعجبه
ولكل حدا بالنهاية خصوصيته ولو كانت بسيطة
يعطيك العافية لادراجك القيم ..

+1

ما في انسان كامل او معصوم من الغلط
الا ما بغلط في حياته
ويمكن يتوب بعددها ويصلح من حاله
عندي قناعه انه ما في شي ممكن يضل متخبي الا ما ينكشف بيوم من الأيام
ونحنا وقتها اما نتقبل هالشي ونسامح
او انه ننهي هالعلاقة
هالشي برجع لطبيعة تكوينا وكيف تقبلنا للامور
حبيت طرحك ملوكه يسلمو هالديات

في ناس هوايتها تتجسس ع غيرها بايام راحت
بس بجيهم يوم حد يعمل فيهم هيك

مزبوط كلامك
في ناس ما بهتمو بالماضي
وفي ناس من اول غلط بتركو وبروحو
وبفكرو حالهم ملاك

اغلب الناس صارت ما تحترم خصوصية غيرها
وصارت تتعامل ع الغلط انه نقطة ضعف للشخص

♡♡