أخبار ع الريق !
 

#أخبار_عالريق 15

■اليوم في مسيرات للعودة عالحدود بعد متوقفت لفترة، مش ذاكر رقم الجمعة بس كل الي بنتمناه انه تمر ع خير وسلام.
■الحج كامل المصري كان اله اجتماع مبارح مع هني.ة والنخا لة عشان التهدئة ،ويارب ولد.
■توقعات انها تدخل السلطة على خط قعدات واتفاقيات القاهرة ،عشان تتسهل الأمور.
■اقبال على سوق الجاج والديوك البلدية هذا الأسبوع ،والسمك واللحمة الحمرة بيعها بالقطارة.
■النتن ياهو بالبرتغال وكل شوية بيخبطله تصريح انه اله اتصالات هنا وهناك عشان التهدئة.
■في شب أسير زي الورد اسمه مصعب الهندي ؛معنويته عالية بس حالته الصحية صعبة مضرب عن الطعام من 75 يوم وبيخوض معركة لحاله تابعوا الأخبار حنشر قصته.
■بسكويت البفلة الحاجة الوحيدة الي ما تغير سعرها بالبلد (الواحد بألف) يعني أغورة.
■سندوتشات الفلافل أبو النص شيكل للصغار انقرضت ،وشوي حتختفي سندوتشات الشيكل 🙁.
■أكثر شعب بتأقلم مع أزمته احنا،عشان قصة الكهرب ،بديناها بشمعة بعدين كشاف بعدين شاحن ضو بعدين ماتور صوته زي الدبابة بعدين بطارية صغيرة ولدات واخيرا سلمنا بالأزمة ومدينا خطوط تجارية الكيلو ب4 شيكل.
■الدولار ارتفع سعره شوية صغيرة.
■الي حابب يدعم الشب عبد المجيد عريقات من غزة بمرحلته الأخيرة بمسابقة الشارقة ما يقصر والتفاصيل ع صفحته.
■شكله صار الواحد يشك بكثرة (الفيران) الله يعزكم مع رخص لزقة صيدها الصفرة انها تصير بشيكل و3ب2شيكل.
■كيلو الجاج ب 9.5 اليوم بالسوق ومن مكان لمكان بيرتفع أو بيقل شوية صغيرة.
■في خمس حالات قتل وقعت بالضفة الأسبوع الي فات ،الأمر بده حزم.
■الكنافة الحمرة الي تحتها جبنة خميلة صارت تنباع ب5شيكل بدل 8،قبال الجوامع.
■الأسد اليوم مش موجود بأي مكان عشان تتصوروا معه،الشب الي مربيه عنده مناسبة خاصة ومشغول.
■في استهلاك بزيادة شوية على الشعيرية ،خاصة يوم الجمعة .
دمتم بخير ..

ه‍ههههه اخبار بطلت ع الريق
ناشفة

يسعدك

اخبار متفرقه حلوه..هه
يسعدك وتر
شكرا ع المتابعه

يييي
راححتت ععليهمم اسسسكاهه
سسندويششهه ففلافلل زاكككيةةةةة
يسسلموو ععسولةة
وردهه

اي والله صاادق ما اتغير في هالبلد غير بسكوت البفلة زي ما هو ههه
يعطيك العافية لادراجك ..

اخبار مختلفة وملخصة الوضع

شكرا وتر

كل الشكر و التقدير
فخورين باعضاء متلك

اخبار بتغم القلب
ربنا يفرجها

شكرًا لحضوركم.