هذه قصة القائد بهاء ابو العطا وكيف تم اغتياله
 

منقول
يوم الاتنين العصر رنت عليا زوجتي ، دايما احنا بنحكي في اشي ولا مافي ، بس رنة هالمرة كان الها سبب ، اول ما شفت انو الاتصال منها عرفت انو عشان عيد ميلاد بنتي ، أنا متزكره من شهر وهي مفكريتني ناسي ، بنحكي بنحكي الا و بتقلي مبدكاش تجي عالبيت؟ صرت اضحك بقلها ليش اجي! هو وقت جية؟ بتقلي ناسي انو بكرا عيد ميلاد ليان؟ ، بقلها بنسى حالي ولا بنسى يوم ميلاد ملاك نور حياتي ..
بحكيلها اعطيني ليان ، أعطتني اياها بقلها كل عام ونتي بخير يا روح بابا ، صارت تقلي ونت بخير تعال امانة اعمللي حفلة ، حكتلها حاضر بكرا انا جاي عشان أعملك حفلة ..
المهم ، روحت عالبيت تاني يوم كان الوقت متأخر كتير ، زوجتي كانت صاحية بتستناني ، في طيران بالجو والصوت كتير بيدايق ،، فش نص ساعة دوبني دخلت الحمام ، بدلت ملابسي ، دخلت الغرفة الا والغرفة مفجرة والدم بيسيل هو من تمي هو من راسي هو من صدري بعرفش ، تشاهدت بطلع عزوجتي نفس الاشي ، الغرفة انفرشت دم ، دمي ودمها سوا
صحيت بنتي ليان الصغيرة كالعادة بتحكي مع حالها ليش امي ما صحتني للمدرسة؟ طب مش هي بدها تصحيني عال4الصبح تدرسني! ، ايش هاد ال برجلي حطتها عأختها فاطمة الكبيرة ، فطوم بتقلها ايش في! قومي احنا متصاوبين ، أخذوا بعض وابني الكبير فتح الباب لقونا أشلاء ، حفلة عيد ميلاد بغرفتهم لحالهم قطع قاتوه ومكسرات واشيا مغموسة بالدم ، اجى الطاقم نقلهم عالمستشفى ، اللي اجرو مكسورة واللي في كدمات براسه ، بينادوا عأصحابهم نادوا امي ، امك ماتت ، ليان ، طب بابا وابوكم مات
أنا الشهيد قائد حركة الجهاد الإسلامي لمنطقة الشجاعية ، تم اغتيالي من المحتلين بال2012وبحرب ال2014مع فشل بكارد أحمر ، راسمين صورتي عبرواز كبير بنص بلدهم والرايح والجاي بطلع بحكي هاد سرطان لازم ينشال ، سبع سنين وأنا شوك بحلقهم ولليوم ولبكرا وليوم الدين ، اتهموني اني مندس مع النخالة وبعمل عمليات خطرة من وراهم ، وهددوا بحرب مزلزل يقلبني قلب ، وفعلآ قلبني قلب بس للأسف الشديد بفرحة بنتي يوم عيد ميلادها ، دايما بتقلي احلى اشي ي بابا انو عيد ميلادك بعدي ب15يوم ، انتو متخيلين انو ليان كل12/11من كل سنة في ايش بدها تحتفل؟ ، دم وصواريخ وصوت ورعب وصحافة وتحقيقات ، الشهادة حلوة بس الفراق عاولادي صعب ، صغار والله اصغار19،18،15،14،11 ، أنا الشهيد بهاء أبو العطا "أبو سليم" زوجتي أسماء لما كانوا يضحكوا معها يحكولها شو لو استشهد زوجك يا أسماء؟ تضحك باستهزاء تقلهم مش رح أزعل لإني رح أكون معاه ، وفعلا اجت معايا وهينا سوا فوق متفارقناش
ياااه ، طيارة صغيرة من طراز "كواد كابتر" توخدنا عالجنة أنا وزوجتي؟ ايش عاملين لربنا احنا!
بنتي ليان حسرة العمر ، كل الناس انجنت عليها وأغلب بنات المجتمع ينزلوا صورها يا حبيبة قلبي والله يعينك وووو لإنو البنات عارفين الحمل الثقيل تبعهم ، عارفين شو يعني الدنيي إم ، عارفين شو يعني الأب سند ، عارفين انو الاب بجيب فلوس بيحفز وبدحك وبيكبر والام بتطبخ وبتعلم وبتقف في المحن ، مين ضل مع ليان هلقيت؟ ، شفتوها كيف ورايا بتلولح بايديها وبتشد بالناس بدي أبويا ، شو عملنالهم يا ستي شو عملنالهم ، هالكلمات بترن رن بذان الصغير قبل الكبير، وفاطمة ام حمل تقيل ام 14سنة مين بدو يشجعها تكمل ! ، مع مين بدها تضحك وتبكي وتشكي ، لمين بدها تروح؟
الجنرال أبو العطا أسد خوف الصهاينة ، اولاده سليم واسماعيل ومحمد واصحابه في السرايا مكملين المشوار ، انعملي عرس مطنطن في نص الشجاعية ، جنازة واصلة المقبرة بدقايق ، بكى علينا الراجل والست الشب والطفل الشيخ الكبير الصغير وكله ، دبوا الشجاعية والقطاع بوسترات ، رسموني ع الحيطان ، انقلبت السوشال ميديا سايب ورايا تار بعفق والصهاينة والعملا هياخدو درس مرتب وكلشي بوقته حلو ، أنا الشهيد وزوجتي شهيدة والشهداء مش رقم ، لأ الشهدا فكرة والفكرة ما بتموت ، في أسلحة وذخاير ومولوتوف وحجار خزائن مبتنعدش ، جهاد سرايا ألوية كل اسم وبيحكي عنه وفش في قواميسنا دم بيروح ببلاش ، ازا فش انتقام اليوم بجي بالايام الجاية ، واللي بدو يلاقيني يجيني عنهر الكوثر فوق ..♥

#هذه قصة القائد بهاء ابو العطا وكيف تم اغتياله

الله يرحمه يا رب
القصة كتير مؤثره وبتحرق القلب
مسكينه هالطفله بكرا لما تكبر كل سنه بعيد ميلادها رح تتذكر كل هالاحداث البشعه
يسلمو نقاء ع ادراجها

فعلا
رح تصير ذكرى ميلادها
اسوء ذكرى بحياتها
الله يصبرها ي رب
شكرا لمرورك لونلي

الله يرحمه ويجعل مثواه الجنه
قصة مؤثرة جدا

شكراً نقاء

متذمر وانا اقرأ سطور الحوار الذي دار بين العائلة
الله يرحمه
نقاء شكرا

الله يرحمهم
القصه كثير مؤثره والله

يعطيك العافية

الله يرحمهم ويصبر
البنت المسكينة
يسلمو نقاء

للأمآنة مصيبة
الله يرحمه و يكون بعون البنت
اللي رح تكره عمرها و يوم ميلادها
حسبنا الله و نعم الوكيل
اشكرك

كل الشكر و التقدير

شكرا لحضوركم