قضّي وقتك بالقلب الأخضر والبنفسجي ..!!♡
 

ما تخليهم يسخروا من خاصيّاتك وخصوصياتك
أو بقلك .. خليهم يسخروا .. لأنهم نسخة وحدة

فيك تحب القلب باللون البنفسجي , أو الأخضر مثلاً
فيك تعبّر عن خيبة أملك بـ قلب أسود

فيك تنشهر بـ كلمة بتضّلك عم بتكررها
وبـ لمعة عيون فشر كل مين شافها عرِف يقلدها أو يكررها

فيك تحب حالك هيك .. متل ما إنتا هيك
ناقصك كتير غراض ومشتهي كتير غراض
بس عندك جوّا روحك أميز وأجمل وأصعب الأغراض ..!!

طب فيك تضحك بصوت عالي بمكان عام
حتى الفرح بدهم ياك تخجل منو ؟
فيك تحب مشروب محدد بتداول عليه بكل سهرة
وحتى لما تصحى .. بيصحى معك .

فيك متل ما إنت .. ما تبوح بكل أسرارك
ما تخلي شخصيتك معروضة مشروحة للعلن
يعني لما بتزعل .. ما بتخبر حدا
بتحط كل جروحاتك وبتغطيهم معك ت تنام ويناموا
ت تصحى وتلاقي حالك أقوى من أصحابهم ومنهم

فيك تسمع يلي بيحكي عنك ورا ظهرك
وفيك ما تنزل عنّو ولا تعبره ولا تسمعه حكي

فيك تختلف عن كل مين سخر من خاصيّاتك وخصوصياتك
فيك بـ كل اختلافك عنهم تنغدر , هاد ذنب اختلافك عنهم وابتعادك

ابتعادك عن أفكارهم وتشابههم وتناسخهم وقطيعيتهم
بينقصك كتير إشيا , بس اقتنع بإنك شي واحد أكبر من كل أشياءهم

ولا تستَنى من حظّك يجي ..
قضّي وقتك بالقلب الأخضر والبنفسجي ..!!

راقتني ام السوس
اختيارك حلو
يسعدك

حلوة وما في اجمل من ان الإنسان يعيش ببساطه
وبمارس حياته كيف ما يحب

مشكورة للموضوع

الحلرة بممارسة الحياة أفضل من الانسان اللي بيعيش
كأنه آلة حسب اهواء غيره
شـكــ وبارك الله فيك ـــرا لك ... لك مني أجمل تحية .

جميل ان يتحلى الانســـان بجمال نفسه لو استطاع وضع يده عليه
طرح جميل نقــاء تسلم الأيـــادي
أرق تحيــــاتي ،،

حلو الواحد يتصرف ع طبيعته
وما يهتم لكلام حد
طرح جميل نقاء
يسلمو دياتك

موضوع حلو وبسيط
راق لي
م ننحرم

فيك تنشهر بـ كلمة بتضّلك عم بتكررها
وبـ لمعة عيون فشر كل مين شافها عرِف يقلدها أو يكررها


حبيت هاي الحكي
الباقي ما ركزت فيه كتير
بس حبيت اشكرك عطرحك ي حب
واحكيلك بحب كل مواضيعك

كلام جميل ومعبر
شكرًا نقاء
ما ننحرم

هاي الحياة حياتي و انا بعيشها بالشكل اللي بدي ياه
مش حلوو نتقيد بغيرنا و كيف هم حابين نكون
حبيت الموضوع
شكراً