انبهاري الحقيقي ب....
 

بحياتي ما انبهرت بالحفلات والأعراس ولا المشاعر اللي بشوفها بهيك مناسبات ولا بالضحك والاحضان والنظرات، طبيعي .. كتير طبيعي أنو هالقصص تكون موجودة بهالاوقات....

- انبهاري الحقيقي بشوفو بزلمة راجع من الشغل ؛ ميّت من التعب بس جايب معو أغراض تفرّح مرتو وولادو

-انبهاري بوحدة حامل وبآخر الشهور وواقفة عم تطبخ أكلة صعبة لزوجها لانّو مشتهيها

-بزلمة مرّ على زواجو 15 سنه ولسا بِقول لمرتو "حبيبتي"

-بأم بتعدّ زوجها من ضمن ولادها

-انبهاري ب زلمة فوق الخمسين ولسّا بقلبو حبّ اتجاه مرتو لينزل ينقّي معها ملابس إلها

-بوحدة موجوعة من كذا مرض وما بتنسى مواعيد دوا زوجها

-بزلمة بعد سنين بيتطلّع بمرتو بفخر وكإنها أهم إنجازاتو

- بزلمة متذكّر عيد ميلاد مرتو حتّى بعد ما كمّلت الستين

-بوحدة ما بترضى تاكل برّا البيت اكلة بِحبّها زوجها بس لانّو هو مو معها

-بالتنين اللي بِضيعو من غير بعض وما بيعرفو يتصرفو لو حدا فيهن بمكان لوحدو وكإنّو ناقصو حالو

يعني : العرس بيخلص ب ساعتين ، بسّ الحب ما بيخلص حتّى لو مصاعب الدنيا كلّها وقفت بوجهك
الحبّ الحقيقي هو اللي بيبقى للاخر ، وبيظهر بأبسط أبسط المواقف
مو بسعر فستان العرس أو عدد المعازيم أو بأي قاعة أو وين بدنا نعمل شهر العسل.

تلك هي المشاعر الحقيقية التى تبقى وتدوم
ولا زيف فيها
راقني المحتوى كثيراً
وكم هم في قمة الرُقي هؤلاء الأزواج
تحياتي لك

فعلاا هده مشاعر الحُب الحقيقية
مشاعر العرس والخطبة بغالبيتها بتكون مصطنعة لتمر وبس
يسعدكك لادراجك الجميل والراقي ..

وراقني حضورك اكثر
دمت ودام هذا الحضور الانيق
يسعدك ربي

نورت موضوعي الصياد
واسعدني حضورك
دمت،

ياااه يانقاء
ما اجمل طرحك وأعمقه
والله الحب اعمق من المظاهر
راقني جدا طرحك
ربي يسعدك ويعطيك العافية نقاء

يسعدك ربي جولدن
منور مواضيعي اليوم
حبيت حضورك
لا تحرمنا هالطله الحلوه
والحضور المميز

فعلا انتقاء مبهر ورائع
ادراج اكتر من جميل
احترامي

ابهرني ما أبهرك نقاء
فعلا انبهارات تستحق وقفة وتامل بها
أعجبني طرحك وانتقاءكـ
شكرا لك ِ ،،