أنا و الافراط بالحديث عن الذات "نقاش"
 

يسعد مساكم

في حواراتنا مع الاصدقاء والاقارب
بتلاحظ امرار
ان احد ما ثرثار ما بترك الك مجال تحكي وكثير الحديث عن نفسه
بجمل ممكن تكون مشهورة عند البعض
مثلاً:

انا شخصيا-انا واحد من الناس- وانا بحب بكره بعمل بسوي رحت اجيت ...
بفرط كثير بالحديث عن الذات سواء كان منزه او مخطىء في افعاله اللي بتحدث عنها

لو قابلك واحد بمثل هيك شخص :
شو شعورك باتجاه !
هل ممكن تتحمله دايما بحديثه المفرط!
هل تصارحه بملاحظتك عنه بافراطه بكلامه عن نفسه !
ماذا ستصارحه !

بعيدا عن ذاك

هل تكرار كلمة أنا تعتبر سلبي او ايجابي بنظرك !!

دمتم بود

السلآم عليكم و رحمة الله

بداية رأيي بكلمة انآ

كل شخص بكرر كلمة انا خلال وقت قصير فهو كذاب و فاقد للثقة بنفسه

انا صعب انتقد حد واقعياً الا بوقت صعب اتحمله فيها
و انا معروف عني طويلة بال ... يعني ممكن افقد تحملة بعد 5 سنوات مثلاً

بوقتها رح احكيه بصراحة و احتمال اكون قاسية بأسلوبي معه
لكن هالشيء كلو لمصلحته


نقاش ممتع
تقديري .

انتي كده تمام
بس 5 سنين شايفها مدة طويلة جدا و مبالغة فيها
ممكن لقائيين او اكثر ممكن تتقل من الشخص وتصارحه

على كلا نورتي
وسعدت بتعليقك وحضورك

بسمع له عادي سواء كان صادق او كاذب هاد شي برجع له
طالما شغلة مابتهمني ، باختصار ما آلي بحدا

هل تكرار كلمة أنا تعتبر سلبي او ايجابي بنظرك !!

لا هاي ولا هاي
بتكون عادة الأغلب
هاد رئيي الشخصي مابعرف

يسلمو ي خالد
الله يبعتلك ايام حلوة و سنين احلى

:صل:
وجهة نظر تحترم
امين واياكي
سعدت بحضورك جولي

حبل الكذب قصير..
مجملاً من يُكثر من الأنا فهو مفتقدها أي مفتقد ذاته
إن الأفعال والمبادىء والقيم هي التي تظهر في الأفعال لا في الأقوال .
ومثل هؤلاء لا أقترب منهم ولا أسمح لهم بالاقتراب لأنهم بالعادة مشهورون
بالحديث المزيف عن أنفسهم .. أما إن خُدعت وصادفني مثلهم وهو وارد في الحياة
فلا طاقة لي بهم ولا قدرة لي على تحملهم
إلا إذا كانوا ممن يعنيني أمرهم ففي هذه الحالة أمنحهم المساحة الآمنة ( وهي فرصة واحدة فقط .. ) لكي يتحدثوا فيها
دون التلميح بأنني قد كشفت كذبهم لكي أترك لهم حرية وأعرف من خلال موقفهم مدى تمسكهم بي ..
لكَ الزنبق

كلام جميل ويتناسق مع رأيي
لكن الامر والمشكلة مش انو صادق او كاذب
الافراط باستخدام هالمصطلحات كائن من كان راح يشمئز وينفر من هيك شخص

هل هناك اي نصيحة او قواعد لازم يتبعها للخروج من هيك حالة
سواء كان يتحدث على حسن نية او لا !!

انرتي المكان:9007:

لا ابداً انا لا مبالية
طبيعتي بتحمل كل اساليب الحكي
الا النفاق او الشبك بين الناس
هاد النوع بس ما بقدر اقعد بالجلسة اللي هو فيها

الله يعطيني طولة البال اللي عندك :124::124::124:
:9007::9007::9007:

نورتي عزيزتي

والله ياخالد انتم مكبرين القصة
بتركو يقول اللو بدو اياه
ومايضيرني
لكن إن استغرق حديثه من وقتي الكثير بعتذر منه وبتركه
هذه طباع ويصعب تغييرها
لكن بلطف يمكننا توصيل فكرة ان حديثه أصبح مملا دون جرحه

يعطيك العافية خالد