منتديات قلب فلسطين - رُبَّ كلمةٍ تقولها لا تلقي لها بالا، تهوي بك في النار سبعين خريفا

أنا عمري ما عرفت أحكي لحدا أنتِي ناصحة ، لبسك بخزي او مفلحن ، ليش وجهك كلو حَب ؟ شو السواد اللي تحت عيونك هاد ،ليش طالعلك كرش، نحافتك بشعه، شعرك مزيت ..ألخ بالعكس لما بنت بتسألني أنا نصحانة؟وانا بالنسبة لالي سؤال غبي بس انا بكون عارفيتها انه بالنسبة الها مهم و لو بقلهاا اه نصحانة رح اكسر خاطرها لهيك بقُلها أنتي جسمك حلو ولابق على وجهك لما حد يسألني لبسي حلو؟ بقول أه حلو واللي قالك مو حلو مابيفهم ، مابيعرف انه كل واحد عنده ظروف يمكن هي ماعندها الامكانية تهتم بشكلها وبلبسها بالطريقة الي تعجب حضرتك او حتى عندها امكانيات اكثر منك بس هي هيك ستايلها هي هيك ذوقها مش ضروري تمشي على ذوقك عشان تشوفيها بيرفكت بتعلقي وبتعطي رأيك بطريقه محرجه غبية لحتى تلفتي نظر انك البنت الصريحة ويمكن بتجرح وانك تجاملي هاد مو نفاق هاد اسمه جبر خواطر ، بعرفش الصراحة بتجيبوا وقاحه الرد هاي من وين قال ع اساس انك صريحه و كيوووت و القوية السترونغ وومن وانتي بينك وبين الصراحة سوء تفاهم الكلمة اللي بتقولوها وبتفكروها عادي انه ما تزعلي عشانك انا حكيت هيك
لو بينكم عشرة 50 سنة بتوجع وتكسر النفس والله الكلمة الطيبة صدقة ، و جبر الخواطر عبادة
روى البخاري عن أبي هريرة رضي الله عنه، عن النبي صلى الله عليه وسلم قال: ((إن العبد ليتكلم بالكلمة من رضوان الله لا يُلقي لها بالًا يرفعه الله بها درجاتٍ، وإن العبد ليتكلم بالكلمة مِن سخَط الله لا يُلقي لها بالًا يهوي بها في جهنم))