عريس عامل كرت عرس شفتو امبارح
 

في عريس عامل كرت عرس شفتو امبارح ، اسم الشب خالد ، كاتب اسم العروس : عيون خالد !
هسا هي الفكره حلوة ، يعني احسن من ( كريمته )
بس مبدئياً خلونا ما نتوسع فيها اكتر
يعني خلونا مثلا : عيون رامز ، او روح فادي ، او قلب ابراهيم ، أو رئتين سالم ، أو اعصاب قاسم ، او مثلا شرايين وليد ، او خدود رأفت ، او حواجب مصطفى!
خلينا نركز ع اعضاء الجسم احسن!
وبلا محد يكتب : دلوعة فتحي ، او غنوجة سمير ، او كربوجة خليل ، او بسكوتة صبحي ، او النوتيلا تبعت فؤاد ، او شعشبونة زيد ، او مثلا مجنونة حمادة ، أو مهووسة اسماعيل!
لأنو هيك رح نفوت ب اسماء الفيسبوك زي :
خنفساء النزهه ، أفعى طبربور ، برنسيسة الليل ، حارسة قلعة قلبو ، حزينه بس مش مسكينة ، حواجبها خيال ، بنظرة بقتل عشرة ، مدللـة ابوها ، قمر عبدون ، ليالي الشرق ، مطعم هاشم ، شاورما ريم .. الخ
اقولك طب متكتب اسمها و تخلصني 😡
ولا خلص ، خلينا ع كريمته احسن ، هو انا بدي اوجع راسي
انا بدي ادير بالي ع راسي مشان اكتبو ع كرت عرسي ، عمر و راس عمر

عمر زوربا

حبيت حزينه بس مش مسكينه هههههه

يعني كل شوي بطلعولنا بشغله انغش من يلي ئبلها

يسلمو مؤمن لادراجك

كل الود

ههههههههه

جديدة هالفكرة عيون خالد


يسلمو مؤمن

هههههه حدا شافلي بريق علا. وينو

غايب الو 17سنه قلقت عليه t092:


نهفه من الاخر مشكور

بعرفش ليش باكتبوش اسم العروسة ..
مع انه شرط اساسي بالجيزةة الاشهار وعادي الكل
يعرف انه هالبنت صارت مرتك وين الخجل بالقصةة ..
يعطيك العافيةة

بعيداً عن كلام الموضوع اللي حاسس ان صاحبه كان محشش لما كتبه ههههه إلا ان بعض الألقاب مضحكة وحلوة
شكرا لك مؤمن

ههههههههههههههههههههه هادا جميلة هالكفكرة جميلة يعطيكي الف عافية

ههههههههههاي
الله يسعدك مؤمن شو دحكتني
انا رح خليه يكتب بكرت العرس
كلية فلان ههههههههههههههه
تضامناً مع مرضى الفششل الكلوي
جوريةةة