منتديات قلب فلسطين

منتديات قلب فلسطين (https://www.heartps.com/vb/index.php)
-   النكت والطرائف (https://www.heartps.com/vb/forumdisplay.php?f=29)
-   -   قصة عنترة وعبلة (https://www.heartps.com/vb/showthread.php?t=32024)

نبض 11-16-2018 09:07 PM

قصة عنترة وعبلة
 
هاظ لما عنترة طلب ايد عبلة من أبوها.👳👸.....
طلب منو عمه مهر لعبلة تنكة زيت زيتون صافي..
ومتل ما بتعرفوا بالصحرا زيتون مافي..🌳🌳....

جاب البلاد ...وشاف العباد.🚵..
وسأل الناس الكرام ..☺..
حتى وصل الى فلسطين...😍

وقالوله ما الك إلا غزة أرض الخير والزيتون.😍🌳🌳....

ولما دخل عروس الجنوب قام وقف..😛.
وبسرعة عرف يتصرف....
واحتراماً لاهلها ترجل عن جواده....🐎🚶
وقال بيت شعر مفاده:

أنا الذي قطع الصحارى في الليالي 🌘🌘
لا تأخذني لومة لائم ولا أبالي....
جئتك يا غزة والشوق يسبقني
وفي أرضك يا غزة سأحط رحالي😁..

وبعد ان استقبله أهل غزة
قال يا سادة يا كرام
قالوله اطلب وإتمنى طلبك عنا....😰😰.

قلهم بدي تنكة زيت زيتون مهر لعبلة...👸
ولحتى أسكت عمي ومرتو الهبلة...😝

قالوله بنضيفك عنا ثلاث ليالي...🌘🌘🌘
وبعدها طلبك مجاب يا غالي... 😍

أول يوم الصبح..
جابوله فطور فتة حمص مع لحمه من عند عكيلة ،🍲🍜
وعالغدا احلى سدر فتة
والعشا قلاية بندوره بلحمه بلديه .🍅🍅🐑🐑....

وثاني يوم افطر زيت وزعتر وبندورة ولبنه وجبنه😉
والغدا نوعين، طنجرة مقلوبة و مكموره أصليه 👏

قام أخونا عجبتو العيشة الهنية....👌👌
ونسي الصحرا والبرية....
وتعلق أبو الفوارس في غزة وكرم أهلها..❤❤❤.
ونثر قصيدة مطلعها:

يا عبلُه على حبك سامحيني
ففي غزة ضالتي وحنيني
قد كنتُ أخطأت في حبك مرة
وقد أحببت عليك غزة فاعذريني

وتجوز رسميه المجلاوية وعاش عيشة هنية
وهيك خلصت سيرة أبو الفوارس...
وترك عبلة عم تستنى (التنكة)
وبلا عبلة وبلا بطيخ....

ولما نزل المقدوس وذاقه وشاف التندرات محمله بندوره وبطيخ ..
إرتخت مفاصله وباع فرسه واشترى نص دونم وسكن بشارع عمر المختار.

انتظرونا مع حكاية قيس وليلى في رفح الصمود😄

قمر الماما 11-16-2018 09:10 PM

ههههههههههههه

⭐️⭐️⭐️⭐️⭐️

الله يبعتلك ايام حلوة

الليث 11-16-2018 09:12 PM

هههههههههههه

والتنكة راحت ع عبلة


اضحك الله سنك

هل كان حباً 11-16-2018 09:25 PM

ههههههه
لا حلوة
ومتعوب عليها النهفة
مشكورة هدوء

خَمْر أيلول 11-16-2018 09:30 PM

ههههههههههه لا حلوةة هاى
عجبتنى والله
يسلمو للطرح هدوء

الصياد 11-16-2018 10:44 PM

هههههه
مزبطينو الغزاوية طبيعي ينسى عبلة واهلهاا
عوافي ع النهفة ..

الـبـارون 11-17-2018 01:53 AM

ههههههههه
الحين بلعن اليوم إلي أجى فيه ع غزة
سرد القصة بهذه الشكل جميل ومضحك
شكراً إلك

m0m3n 11-17-2018 06:53 AM

هههههههه
الي كاتبها نهفه
يعطيك العافيه

نبض 05-04-2020 04:12 AM

يا الف هلا بحضوركم .. ~

نورتو الموضوع .. ○●♡

نبض 05-04-2020 04:12 AM

يا الف هلا بحضوركم .. ~

نورتو الموضوع .. ○●♡


الساعة الآن 08:28 AM

Powered by vBulletin™ Version 3.8.7
Copyright © 2025 vBulletin Solutions, Inc. All rights reserved. منتديات
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd.