سلملي على علمك وشهادتك ووظيفتك
 

إذا كانت الأخلاق مُتدنية، والألفاظ سوقية نابية، والسلوك السيء بيتبرر باسم المزاجية، ف بالله شو فايدة الشهادات العلمية أو الدرجات العالية المرموقة أو المسميات الوظيفية "الراقية"!
إحنا بالدرجة الأولى بنعاني من أزمة أخلاق مش أزمة علم، والتربية سبقت التعليم، والشهادات مش مقياس أبدا، لما شخص متعلم واعي وفاهم يجي يغلط فيك بألفاظ قليلة أدب، يبقى على الدنيا السلام، انتو يلي بدكم تربو أجيال والمفروض الترباية تكون الكم بالأول، لا ماخدين من علمكم يلي تعلمتوه، طب ع القليلة احترم دينك شوي، دينك يلي بيحكي "ليس المؤمن بالطعان ولا اللعان ولا الفاحش البذيء" ، وبطريقك سلملي على علمك ووظيفتك وشهادتك، وبلهم واشرب ميتهم، مهما عليت بس أخلاقك ساقطة فتأكد انك شخص خاوي وفاضي كتير من جوا، والعلو تبعك ما هو الا سقوط محتوم

احيان بتلاقي دكتور في الاخلاق صفر
وبالمقابل بتلاقي شخص مش متعلم
لكن ماشاء الله ع الاخلاق

بشكرك وتر ع طرحك

تقديري الك

هني بالوطن العربي سمو تربية وتعليم بس ما بيعملو فيهون
ومتل ما ئال الاخ قي معهون شهادات ما عندهون اخلاء والعكس
/
عوافي غاليتي

التربية دايما قبل التعليم
لهيك التعليم ما بفيد بشي بدون وجود التربية
حبيت الطرح كتير
يسلموو وتر

محتوي يحآگي الوآقع
ربنآ يهدي الجميع
آرق وردي

فعلاً شو فايدة التعليم والشهادات ان كان الشخص ساقط اخلاقياً
الحكي جداً واقعي واسلوب سرده حلو ومقنع
يعطيك العافية ..

والله انو الأخلاق هي يلي بترفع الواحد بقلوب الناس
طرحك قيم وتر وبمس اشي حنا بنشوفه كل دقيقة
الله المستعان
يعطيك العافية

شكرًا لحضوركم.

وعليكم السللام
مشكورة اختاه

شكرًا لحضورك