منتديات قلب فلسطين

حاولت أكتب ..
حاولت أعند - و مكتبشِى ..
حاولت أجى ..
و اقول فـ كلام - ميتقالشِى ..
حاولت ابعد ..
و كان البُعد مرفوض - رفض
مِن .. بابـُه
و متشّمع - بـ لون أحمر .. !
و مش جايين - على اعتابه ..
حاولت أفهم كتييير جداً ..
حاولت أوصل لـ شئ - واضح
يخلينا فـ بْعَاد - ساارح ..
يخلى "جناح" وعودنا زمان ..
بيتكسر ..
حاولت حقيقى -- أتذكر ..
و اقلِّب فى -- دفاترناا
و اتصفح رسايلنا ...
مفيش لـ دماغى شئ واصل ..
فـ مرة زمان .. فى وقتْ صفاا
حلمنا بـ فرحة - مرسومة ..
حلفنا بـ حاجه - محتومة ..
مُحال تبعدنا ... أى ظرووف
حلفنا يمين - ما نتفااارق
يِمينّا كان ضعييييف جدا
قصاد أول مشاهد - الخوف
رسمت فـ مخى دوامة ..
و دايرة جنبها دايرة
و نَفسى لعينة لواااامة ..
أگيد انا كنت غلطانه ..
عملتله شئ !! عملتله ايه ؟!
ضايقته فى ايه - عملت انا ايه
غلطت فـ اييييه !!
مانيش عارفة !!
رسمت فى مخى دواامة
و دااايرة جنبها دايرة
و بحر كبيبييير و عوامة ..
و مش طيلاااااها - أنا بغرررق !!
حبيبى " زمان " .. بقى بيسرق ..
سرق عمرى و سرق قلبى
و سرق قُوُتى ...
صحيح كانشِى سبب مووتى ..
و لكن روحى -- خلصاانة
صحيح الكسر بيقووووى
لكنه طَفااانى بـ خياانة ..
خيانته كات تقيلة بجد
وعدنى و فجأة راح بـ الوعد
حاولت أبكى بـ حُرقة قلبى
و بـ كسرُه ..
و جيت ادعى على مِن فَك
خِيط وصلُه ..
و سابنى جوه ملكووتى
و فى العتمة
مجابنيش قلبى ادعى عليه
بما عامل
حقيقى الدنيا دى -- إتمة ..
مُحال تدينا شئ كاامل ......
حاولت أوصل لـ سببٍ ماا ..
عشان أعرف --- نتيجة البُعد !!
لقيت لا هُوُ خُوف و لا بـ الوعد ..
لقيته انُه السبب معدوم ..
مكناش بس ...... احنا لبعض