|
ماذا يميز العائلة الفلسطينية...؟!!!
ماذا يميز العائلة الفلسطينية...؟!!!
_ يوجد كيس بالمطبخ. اسمه كيس الاكياس !!! _ الأب دايما بسب ع حاله/ يلعن ابوكم _ عندهم ولد شاطر "بس لو يشد حاله" _ بس يطلعوا طشة. لازم ينكدوا ع بعض و يعملوا طوشة قبل ما يطلعوا _ فنجان قهوة بعلبة السكر _ دايما ضو المطبخ شغال/// وبس يطفي الضو ..... أعرف أنه اليوم خلص _ بخلوا ضو الدار شغال عشان "يخدعوا الحرامي" _ بلايز الولاد بس تخلص صلاحيتها بتصير ممسحة غبرة أو للأرض _ بس يطلعوا بحطوا مفتاح الدار تحت الشبشب او جوا كندرة الأب جنب الباب او تحت ممسحة الباب او جوا علبة النيدو اللي فيها وردة مزروعة _ علبة الماكنتوش بتفكر فيها شوكلاتة .. بيطلع فيها خيطان و إبر _ كل عائلة عندهم واحد اسمه محمد أو أحمد _ المزهرية بغرفة الضيوف بيكون فيها مفاتيحhttps://www.facebook.com/images/emoj...1/16/1f527.png🔧و اغورة قديمة وفاتورة وابرة وخيط وبطاريات معضعضة ومسواك يابس وشريط أكامول فاضي و اوراق عليها ارقام تلفونات بالاضافة ل مسامير صغيرة مصدية ومفك - غرفة الضيوف بتضل مسكرة وما بتفتح إلا لما يجي ضيوف!!! _ الشاي بالعلبة المكتوب عليها "ملح" مش شايف يا أعمى!!! _ نص ليمونة بالثلاجة _ على العيد لازم يعزلوا الدار _ مقص الاظافر دايما ضايع _ كاسة جبنة الدهن بتصير كاسة مي _ حفاية الحمام دايما مليانة مي ... _ يوم الجمعة بتغدوا مقلوبة أو نش _ بس يخلص الشامبو.. بيضيفوا عليه مي _الأب بيعرف يصلح كل أدوات الكهربا... وبعد التصليح قصدي التخريب يقول مقولته الشهيرة: "زتها في الزبالة هاي ما بتتصلح ولا كان صلحتها يلعن أبوكو على ابو الي جابكو" |
هههههههههههههههههههههههههههههه فعلا موجودة بكل العائلات ومو بس الفلسطينية اغلب العرب هيك ع فكرة
يسلموا دياتك اخي |
اقتباس:
دوم الضحكة وردتنا وربي يسعدك وما تلاقي متل هيك بألمانيا ^ ^ |
ههههه
في منو هالحكي يسلمو دياتك اخي ودي |
اقتباس:
اكيد في منه وهالشيء بيميز معظم العائلات الفلسطينية ربي يسعدك أسعدني تواجدك الراقي هنا جورية لقلبك |
ههههههه طبعا طبعا
يسسلمو مشاعر للطرح ماننحرم |
اقتباس:
ما ننحرم من هالضحكة يا رب كوني بخير أرق التحيات |
بخلوا ضو الدار شغال عشان "يخدعوا الحرامي"
كلهم كلهم عنا بس هاي مش عشان الحرامي عشان الاولاد ما يخافو لو صحيو بالليل..هههه وكمان ما عنا محمد ولا احمد..وللاسف حلوه كتير يسلموو مشاعر |
هههههه
فعلا هالشغلات موجوده بكل بيت فلسطيني يسلمو هالديات مشاعر مبعثرة |
هههههه
صحيح كلامك اشياء كثير مذكورة صح تحياتي لك |
| الساعة الآن 08:54 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.