عزيزتي الأنثى .. راح يحكو عليكي راح يحكو عليكي !!!
 

فلانة ما خلصت #
توجيهي؟؟😳
مهي فاشلة 😒شو بدو يطلع منها ..

فلانة خلصت توجيهي😍 !!! عالفاضي😏...لبيت جوزها آخرتها ..

فلانة بتدرس جامعة؟؟ 😁
شو فايدة شهادتها بالله !!!✋

فلانة متى بتتخرج؟؟طولت!!
تيسة عشو أهلها مدخلينها جامعة؟؟

فلانة تخرجت👱؟؟طب اشتغلت؟؟
ما اشتغلت؟؟طب ليش درست أصلا !!

متى رح تتجوز؟؟بيجيها عرسان؟؟ ليش لهسا ما وافقت؟؟خلص بكفيها!!!

خطبت👫 ؟؟ ليش ما حكت؟؟هيك فجأة؟؟أبصر مين؟؟بشتغل برا؟؟ اهلها طمعانين؟؟

بشتغلش؟؟أهلها بدهم يخلصوو!!
كم سنة الخطبة؟؟شهرين؟؟أبصر ليه مستعجلين أكيد في اشي!!
سنتين؟؟كنو معهوش مصاري!!

عرسها بفندق؟؟عشو البعزقة!!
العرس ببيتهم؟؟ ول شو هالكحتنة مهي مرة وحدة الواحد بتجوز !!

خلفت؟؟شو صرلها شهرين!!
شو بتستنا؟؟خلص بكفي لازم تلحق حالها!!!

حامل؟؟ ول صارت حامل عشو طايرة !!
بطنها كبير!!! بقرة بتوكل بحجة الولد !!!

بطنها صغير!!!جوزها مجوعها من منظرو مبين كحتة!!!

ولدت؟؟ ولد ولا بنت؟؟
بنت لأ لازم تجيب الولد!!! بلاش يتجوز عليها!!! هم البنات للممات
ولد؟؟ لازم تجيب بنت تساعدها
عالكبر!!! وهم الولد للأبد

اطلقت؟؟ ابصر شو عاملة مشان يطلقها!!!
عنست؟؟؟ أكيد فيها اشي غلط!!! طواحينها مسوسة؟؟ شعرها مقصف؟؟حواجبها ملزقات ببعض!!اجريها التنتين شمال!!
بتتمكيج!!مفرعة!!مخمرة!!بتحط بف!!بتعمل حواجبها!! بتسلم عالشباب!!بتكتب بالشمال!!
نمرة رجلها 41 !!راسها مثلث!!

👩🏼 عزيزتي الأنثى👩

راح يحكو عليكي راح يحكو عليكي !!!
فخلص أعملي اللي بيريحك والي بدلك عليه ضميرك ومرضاة الله واسمعي من هوون وطيري من هوون !!
الناس ما رح يتركوكي بحاآلك
خلي مخافة ربنا بين عيونك 👌
لا تحبسي حالك بكلام الناس...ولا تهتميلهم ✋😌

للأسف دا مجتمعناا

كلآم واقعي 100%

تسسلمي ملك ومنورة من جديد ♥

ههههههههههه راسك مثلث

فعلا مجتمعنا

تسلم ايدك ملوكة

عوافي

فعلا هاد الحال عنا ومع كل اسف
يسلمو ملوكه

كلام صحيح و واقعي جداً

للأسف مجتمع معاق بطبعه

شكراً ملك

كلام مزبط و اقعي

مجتمع معاق ويعيق

ععوآفيي ملكك

فعلا هيك المجتمع العربي ~
ما بعجبهم شي دائما ~
مشكورة

ههههههه راح يحكو راح يحكو

يسلمو دياتك ملك

كلام واقعي ومنطقي
يسلم فكرك الراقي ملك
ماننحرم