منتديات قلب فلسطين - ورق العنب بطلب من حنون

صباح الدوالي الطازه
بطلب من الغاليه حنون
اخترت طبخة ورق العنب
او الدوالي متل ما في ناس بسموها واحنا منهم
هالطبخه اولا انا بحبها كتير
والاغلب كمان بفضلوها كتير
وكمان انا شطووووره فيها
وبتطلع معي تشهي
رح اكتب الخطوات والمقادير ع طريقتي
بس الصور رح تكون لطش
لانه لو متوفر عندي ورق كنت عملت وصورت والله
بس لسه ما نزل عنا الورق الطازه
نبلش

المقادير:

دجاجه او 2 مقطعين ومغسولين ومبهرين

ورق عنب
ملح – بهارات – فلفل اسود
عصير الليمون
ارز مصري والكميه حسب عدد افراد العيله..كيلو مثلا
2 حبة بندوره مفروم ه ناعم
2 بصل مفروم ناعم
زيت زيتون
2 ملعقة كبيرة دبس الرمان
بقدونس ونعنع حسب الرغبه
حبتان بطاطا مقطعه حلقات بحطهم بقاع الطنجره
صلصة بندوره
وماء ساخن

الطريقه
اولا اسلقي ورق العنب شوي بالمي و طلعيه
و بعدين انقعي رز مصري لمدة ساعة
بعد النقع :
ضعي فلفل اسود و بهار مشكل و ملح و ورشة زيت زيتون و شوية سمنة على الرز المنقوع و اخلطيه منيح
في ناس كمان بتحط نعنع مفروم مع الرز ..
بعدين ابدأي بلف ورق العنب ..... و لا تكثري من الحشو داخل الورق لانو رح يضل الرز يابس اذا كانت الحشوة كتيرة

هي شكل التتبيله

http://www.lakii.com/img/all/Jul11/WTCQdz07031624.gif

وهيك بنلف

http://i166.photobucket.com/albums/u...Untitled-1.gif

وهلاء جهز الورق وهيك بكون شكله بعد اللف

http://www.almrsal.com/wp-content/up...ves-in-pot.jpg

وهي جهزنا الجاج المبهر

https://upload.3dlat.net/uploads/13032495342.jpeg

وهلاء التطبيق

احضري الطنجرة اللي رح تطبخي فيها
ضعي في قاع الطنجرة قطع الدجاج او اللحم حسب الذوق او بدون دجاج و لحم على راحتكم و بعدين ضعي شرحات بصل فوق الدجاج و شرحات بندورة على شكل دوائر و قطع بطاطا على شكل دوائر ايضا و ابدأي بصف حبات ورق العنب في الطنجرة .. يمكن صف المزيد من شرائح البندورة و البطاطا بين حبات ورق العنب بطلع اطيب
بعد الانتهاء من ترتيبها ..
في طنجرة اخرى على النار .. ضعي مقدار من الماء او مرق الدجاج و دعيه حتى يغلي و حطي عليه ملح و عصير ليمون و ملح ليمون .. انتبهي لازم يكون حامض مشان يطلع اطيب ..و 3 مكعبات ماجي اذا كان ماء .. اما اذا كان مرق ضعي مكعب واحد .. و اخر شيء حطي 3 - 4 ملاعق كبيرة صلصة بندورة طبعا هاي اهم خطوة .. في ناس بتطبخها بدون صلصة بندورة .. انا بشوف انو اطيب بكتير مع صلصة البندورة
بعدين
احضري طنجرة ورق العنب و ضعي صحن عليها بحيث يضغط على حبات ورق العنب لمنع فتحها و تفتتها اثناء الطبخ
بعد وضع صحن
اسكبي المرق اللي عملتيه عليها بحيث يغمرها و يزيد .. خليها تكون كمية المرق كبيرة يعني يعمرها و زيادة مشان ينطبخ منيح .. طبعا رح تطلع المرق عن الصحن اللي حطيتيه عادي مش مشكلة
بعدين ضعي الطنجرة على نار عاليه لحد ما يغلي .. بعد الغليان ضعيه على نار هادية جدا و غطي الطنجرة
و طبعا خلي الصحن عليهم لحد ما يستوي و تنشف المرق اللي عليه .. مش شرط انو ينشف المرق 100%
ممكن ورق العنب يستوي و الرز اللي جواتو و المرق يكون زايد عليهم عادي مش مشكلة .. بتكون الطبخة خلصت لما يستوي
يمكن ياخد معك ساعة و نص الى ساعتين ..
و صحة و هنا

وهي الشكل النهائي للطبخه
وع فكره بتطلع معي الطبخه هيك شكلها بالضبط
كانها من عندي الصوره

https://s3-eu-west-1.amazonaws.com/e...2d36363ba4.jpg

http://www11.0zz0.com/2014/09/02/11/368151950.jpg

https://imageserve.babycenter.com/10...dfB9cR_med.jpg

ملاحظه

انا كمان بحشي معها كوسا صغير واحيانا بيتنجان
طبعا نفس الحشوه
وبحط الكوسا تحت الدوالي
بكون طعمه كتير زاكي
لانه بياخد من حموضة الدوالي

ورح اختار @صمت المشاعر
ليعطيني رأيه بالموضوع