على وجه السرعة طير يغرد اعزوفته
 

السلام عليكم
يزورونا وحي الكتابة في ساعات يتشدق المرء من عذابات الدنيا وجمال الحياة
فيرصها بكلمات تبدو للقارىء انها عادية لكن لا يدري كم من المعاناة التي خزلت في تبتلك الكلمة او كم من سعادة غامرة يعجز المرء عن فحواى الكلام

هنا ستكون مدونتي بإسم طير
طائر في سماء دنيا تلقى فيها هواك
تراها مرة مره
واحيانا حلوة
واخرى خيانة
وثانية حب
وبعض من حروب
وأخيراً سلام


هنا مدونتي
هنا بعض كلامي وألحاني

اتشرف بزيارتكم دوما

م.خالد

وجود الشخص الصح في المكان الصح
كركل الكرة الى اقدام ميسي في خط المرمى

أتألم كثيراً لألم الفقد اذا مات والد احدهم
فكيف اذا كان الفقد للابوين معاً
والسبب جائحة كورونا
فعلا لا دين له

نجاحك
عندما يمر الجميع امامك وفضوله الوحيد
ان يعرف عنك كل شيء
يراقبك
يتتابعك
يسأل عنك
لكن لا يقترب منك
اما ان يحبك مبتعدا
او يكرهك
السبب
نغرس فيأكلون

بعد ما انفتح كل شيء ورجعت الحياة لطبيعتها
بدات كورنا اتطب علينا

الله يحمي الجميع ويشفي المصابين

بتمنى يوم من الايام
اشعر بقيمة زعل اي حد مني
لكن بالوقت الحالي ما بظن قادر على حمل هيك شعور
والله لا يبليكم بالبرود

في اشي نفسي احكي عنه
من زمان وزمان ومقتنع فيه
الاشخاص زي اصابعك الخمسة
كل واحد مختلف عن التاني وما بشبهوا حدا
هلأ انت بتختار الانسان اللي بناسبك
اللي بناسبك بفكرك بثقافتك بتخصصك بعملك بتربيتك وبأخلاقك وغيره وغيراته
يعني كل انسان بلاقي الكاسة اللي هو من نفسها
مفيش حاجه اسمها اني اخترت ليكملني
لا الكمال هو سد الخلل والنقص اللي عندك
الصفات الخيرة المش موجودة فيك ..اخترت الفلان لانها موجوده فيه
وعلى هيك صرنا مكملين بعض
اقتنعت انه الانسان دائما يختار الشخص اللي من نفسه طينته
فلهيك ما تزعل لو يوم قابلت شخص بدافع عن قلة الادب من شخص ما
لانه الدفاع عنها بذاته قلة ادب اكثر من الاول
حدد دايما بعقلك وين انت بتحط قدمك
لانه مش كل الناس من نفس عجينتك
واختار اللي بناسبك وابتعد عن اللي مش مناسبك
واياك ثم اياك انك تقترب من حد او تحاول مع حد
اصله هيك ما بتغير سوا وقت سلم او وقت خلاف
فلهيك لا تاخد على خاطرك من هيك ناس
لانه فقدهم مكسب الك بحد ذاته
وربك بحبك لانه ما بحب يمشيك على العمياني وبظهرلك دواخل الاشخاص اللي في يوم ما ادعوا احترامك وتقديرك

العنوان غريب صح
" الجكارة مش حقارة "
اكيد سألت حالك كيف للجكارة ما تكون حقارة من الانسان
بحكيلك عادي بتصير في احسن العائلات وبالعكس الجكارة بتبينلك حاجات يمكن كثيرة ما كنت تعرفها و عينيك كانت مغمضة عنها كثير

من خلال تجربتي الاجتماعية على مدار 20 سنة ونيف
لقيت نسبة اسلوب الجكارة المستخدمة عند الاناث اكثر من الذكور بأضعاف اضعاف الارقام اللي ممكن تتخيلها
طيب انا معك بس ليش حكيت اسلوب !
لانه الجكارة ما بتستخدم الا في حالة واحدة عند الاناث مع الذكور
وحالتين ما بين الجنس والجنس نفسه
وهو طريقة متبعة من زمان وزمان يعني
هلأ خليني احكيلكم عن نتائج تجربتي
الانثى بتركيبتها الطبيعية والعاطفية بتغار من كل اشي قدامها لانها بتعتبرها امتلاك شخصي ما بتحب حدا يشاركها فيه

لكن في نفس الوقت اللي حاسه انو هالانسان الها وبس ،ما تتوقعش منها شو ممكن تعمل اذا غارت
لانه اللي هتعملوا من دافع حب لا من باب كراهية
من دافع عتاب مش انتقام
يحنا خلينا على الحالة السائدة بين الفتاة والشب
بعيد عن الحالة السلبية الموجودة بين نفس الجنس
طيب. يا هندسة ..شو ممكن تعمل الأنثى لتجاكر الشب وهل الشب ممكن يجاكر الانثى ..مش فاهم ..بسطلنا اياها تلخمناش معك...

شوف يا استاذي الحكي اللي احكيلك اياه نسبة الخطأ فيه لا تتجاوز ال ٥٪ يعني نسبة منيحة لكل الدراسات الممكن تنعمل فيها ماستر

شوف عزيزي
مهما بلغ الحب في قلوبنا مهما بلغ بضل الكرامة اشي اساسي والوحيد اللي ممكن يزعزع استقرار بين عاشقين فما بالك لو كان الحب او الاهتمام من جهة واحدة
مثلا كم من فتاة وافقت على شب لتجاكر شب اخر حيت انه كرامتها اهينت لما رفضها او حست بالبرود من اتجاهه
كم من فتاة وقت خلاف او رفض شخص الها بتوقف مع شخص اخر اختلف مع السابق ذكره لانه اختلفت معه او رفضها ولقت هالطريقة الوحيدة لتعبر عن عتابها وكل ما في جعبتها من مشاعر ،
يعني ما الها بحبها او تقديره للشخص المختلف معه .
يعني بطريقة مبسطة الجكارة في قاموس الانثى عتاب بس بأسلوب أخر كما وضحت بالامثلة سابقاً ..

طيب انا كشب او كفتاة لو وقعت بهيك شغلة مع شخص استخدم هالاسلوب معي شو ممكن اعمل

بسيطة جداً مما انك فهمت اللي بصير حواليك
اضحك بعبك واتجاهل الامر
كل انسان بانتظر اللحظة اللي يعاتب فيها شخص
فامنح الفرصة اله بكل روية وسكون

ولا تخلي في قلب اي شخص حاجه نفسه يعملها وتضيع حياته وووقته بالتفكير بسببك

شاهد بسكوت وابتسم

المرأة والطفل اكثر الاشياء اللي ممكن تحبب ادم بالحياة
لكن تزعجني فكرة الاقتراب


https://up4net.com/uploads/up4net-IM...35;٠.jpg

قبل شوي كنت بحكي عن الفقد
وربنا ما يجرب هالشعور لحد
لكن ما قدر الله اذا شاء فعل
والله الخبر صادم ومش مصدق
وحيد خالتي ام خالد اللي بقيلها بالدنيا بعد ما توفى زوجها
في ذمة الله عن عمر 15 سنة بس
الله يرحمك ويصبر امك على فقدك

لا حول ولا قوة الا بالله