|
ما بين الحرمان والاشتياق ....رأيكم يهمني
السلام عليكم ورحمة الله وبركاته
يسعد مساكم اعضاء قلب فلسطين حابة احكيلكم موضوع بتمنى تشاركوني فيه رأيكم لما حد من عيلتك امك ...اخوك ..اختك ...تسمع انه مصاب بالكورونا شو بتكون ردة فعلك ؟ خاصة لما تكون بعيد عنهم وبنفس الوقت خايف ع صحتهم وبتنصحهم يعملو فحص وهم ما بدهم وخايفين من حكي العالم ؟ لما تشوف امك تعبانة كتير ويحكيلها الدكتور هاي اعراض كورونا وتحجر حالها بدون م تعمل فحص الكورونا وتخبي عن ولادها انا موقفي هون شو بكون ؟ لما تزعل مني لما احكيلها ما بئدر اجي عليكي عالعيد ودموعي ع خدي لاني ما عيدت عليها وبنفس الوقت انمنعت اشوفها وان رحت عليها ممنوع ارجع من قبل عيلتي ؟ لما امك تخبي عني انه معها كورونا لحتى انا اجي عليها ليييييش يا امي ليش تخليني اعيط وتخليني هيك ؟ ليش انا اعرف من الغريب وبنتك ما تعرف بس بدك تشوفيها هادا فيروس والكل معرض انه ينصاب فيه لما اخي يزعل اني احكيله ما تلف ع حدا من اقاربنا لانه فيهم اللي معهم ضغط وسكري وكبار بالعمر خاف عليهم انت لساتك بعز شبابك لما يجي علي وكأنه عامل جريمة emo3emo3 قهرني وضعك ما كنت حابة اسلم عليك بس انت اجبرتني تعبت وقسما بربي تعبت زعلانة عليكم والكل بيحكي ع امي واخواني مش عارفة يا ناس ليش بتحكو عليهم هاد مرض عادي ما تخالطوهم بس ما تحكو بيت فلان مرضى وما حد يقرب عليهم حسستونا انه منبوذين من العيلة وانتي يا مرة عمو خايفة على حالك وصحتك مبسوطة انه بناتك شافوكي بكفي تضلو تسألو عليهم لما حد ينصاب فيكم وقتها حتزعلو راعو شعوري عالاقل ولا تحكولي ما تروحي انا حبيت افضفض مش اكتر ومش خجلانة انه ماما واخوتي معهم فيروس كورونا انا لما يصيبني ما بخبي ع حدا لانه هادا قدر الله وابتلاء وربي ما يحطكم بهيك موقف تكون محروم من اهلك بالعيد انت او انتي شو بتكون ردة فعلك بهاي الحالة اعذروني انفعلت بس جد الناس زودتها كتير باستفساراتهم وتكذيبهم الي |
شوفي حبيبتي من ناحية انه منعوكي لمصلحتك بس اسلوبهم غلط واخلي عليه الف ×
كيف لاترجعي ! واذا فيهم شوي عقل كانو اخذوكي هما والتزمتي بااحتياطات الوقائيه وشوفتي امك ورجعتي كثير غلطانين بهذا الشيء كثير وكلام الناس خليه على جنب ياحبيبتي انا جاتني كورونا ونعزلت واختي كانت بتجيب لي اشيائي بس ماخذه الاحتياطات ومافيها ايا شي وببيت واحد وبنفس الدور كمان ولعلمك عرفو الناس و اكذب عليكي لو حكيت ماسمعت كلام بالعكس سمعت ونفس الشي لاترحو بيت افلان عندهم كورونا بس الي قال هيك ماعنده دم واجتهم كورونا وتعبوا يعني محد يستهزء على احد لاانه محتمل يجي له بس انا ماهتميت ولا اهتمو الي بالبيت هاد شيء مكتوب من ربنا وكمان اذا اضل اسمع الناس والقيل والقال كان تدمرت من زمان طنشي بقدر الامكان وركزي اهتمامك لك ولكل شي يهمك انتي فقط وحتروح كورونا قريب ان شاءالله ونلتقي باامهاتنا واخواننا ونشبع منهم كمان وكونه في وسائل ثانيه نحكي معهم اهون بكثير ومرت عمك اخذيها على قد عقلها يعني مش كل الناس متلنا بااحساسنا وتفكيرنا فيهم تفكيرهم ضيق يادوب بيعرفو اسمائهم بس |
اول شي قل لن يصيبنا الا ما كتب الله لنا
وتاني شي هاد الفايروس معرض اى انسان ينصابه وم في عليه قوي او كبير او شاطر او اهبل وتالت شي كلام الناس والي برجلي واحد , صحة اهلك اهم من كلام اى حدا , لانه وقت تتوجع او الانسان بينوجع الناس م بتيجي تقوله م تنوجع او احنا معك هاي صفة وسخة في مجتمعنا العربي والفلسطيني بلاخص والي بهتم الها وبيلاحقها بيتعب كتير حرمانك من اهلك هالفترة هاد قدر من رب العالمين وبجزائه انشالله , ولمصلحتك ومصلحة اطفالك وعائلتك الاخرى وبرأي بلاول والاخير نتعايش بذكاء ونوكل امرنا لرب العالمين وناخد الايجابيات من حياتنا والاحداث الي بتصير معنا ونترك الامور السيئة والسلبية تعدي بوقتها ونشوف بكرة احلى وانشالله بتشوفي ايام حلوة , وبترجعي تروحي لاهلك وهما بألف خير وصحة الله يكون بالعون ملاك احترامي |
انا بستغرب كتيرمن الناس يلي بتخبي اذا مرضت بالكورونا
يعني هادا مرض متله متل الفلونزا بس انه بكون اخطر ع الناس يلي بكون عندها امراض وكمان كبار السن مش عيب نعمل فحص ونحجر حالنا اذا كان عنا المرض ليش لنعدي غيرنا ونعرض حياتهم للخطر في ناس بتتحمل هالمرض وفي ناس لا غلط اهلك يخبوا هالشي عنك كان بامكانهم يخبروكي وفيكي تطمني عليهم من خلال التلفون او فيديو كول واخوكي كمان ما كان لازم يلف وينقل المرض لغيره المفروض يكون عنا وعي كيف نتعامل مع هالمرض وما نعرض غيرنا للعدوى بعرف الموضوع صعب كتير عليكي ويمكن لو كنت مكانك كنت رحت شفتهم مع اخذ الاحتياطات اللازمه متل ما قال جرح ما لازم نهتم لكلام الناس ونتعامل بذكاء مع الوضع الله يعينك ويصبرك |
ف البداية ربنا يعافيهم حبيبتي ويجمعكم على خير
هلمرض عفواً مش نهاية العالم كتير نصابوا وتعافوا المهم الواحد مننا ينتبه وياخد الاحتياطات اللازمه ويكون عندو الوعي الكامل منشان م ينقل هلشي وهلعدوى لناس اكتر يعني عفواً انتي عاطفتك مسيطره هلأ وحابه تشوفي اهلك بفهمك بس بردو فكري بأهل بيتك و ولادك شغله تانيه لعلاك الفاضي تبع النااس الحواليكي م تسمعيه لانو هم فعلياً المرضى بعقولهم . ربنا يشافيهم حبيبتي وف النهايه كل حدا فينا شو مكتوبله هيشوف لو عمل شو م عمل ❤ |
اقتباس:
للاسف هيك عملو معي وقت لبست وطلعت احكيلهم اني حروح عليهم خيروني بين انه اروح وما ارجع وانحجر وبعدها ارجع او اني اضل وما اروح حكولي بالحرف الواحد احنا بنخاف ع امي وابويا لانهم كبار انا ما زعلت بس برضو في اسلوب لحتى ما يخلوني اروح |
ولا تعملي حساب لحدا في النهايه رح ينتهي المرض ويرجع كل شي متل اول وبضل موقف الانسان حسب فهمه
لا تزعلي على حدا الانسان مخلوق ضعيف وبخاف على حاله ولازم نتعايش مع المرض حتى ينتهي سلامات ملاك تحياتي الك حابه اعرف اخبارك لكن صعوبات كتير بتمنعني م / ي |
صعب احكي رأيي هون ، لأن الحديث يطوول
بكرا بتصل عليكِ و بحكيلك ههه حبيبتي اهم شيء ما تزعلي لأنه فترة و بتعدي |
اقتباس:
بمحيط اهلي كتير ناس بتحب القال والقيل وبهمهاش الا الحكي وانو يحكو ع هاد وهاد م بسألو كيف عاش مع هالفيروس وكيف تألم للأسف هالشغلات موجودة بمجتمعنا وكتير بتدايق |
اقتباس:
اخي ما خبى ونزل اسمه بقائمة المصابين بس ماما ما عملت الفحص لما حكالها الدكتور انه اعراضها مبينة فضلت تنحجر وما تعمله بس لما خلصت المدة للتعافي الكل صار يخاف يقرب عليهم كأنه عاملين اشي شنع وحتى زوجي بضل يأجل فينا لاكبر فترة |
اقتباس:
بس الفترة خلصت صرلهم سهر وانه خلص وهيك يعني المرض راح وكلشي صحتهم صارت تمام بس اللي بدايق اكتر حتى لو طنشت كلام اللي حولي برجعو يزكروني ويسألوني |
اقتباس:
بس مين الاخت عفوا ربنا يشافي الجميع |
اقتباس:
صارت معك متل قصتي يا الله الله يصبرنا بس ع هيك ناس |
| الساعة الآن 04:48 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.